رحلة بس معترة

من طرف endless love في الإثنين يونيو 09, 2008 1:58 pm

السلام عليكم
حبيت أنقل لكم هل خبر فقط منشان التوعية
مبارح كنا برحلة مع طلابي وكانت الرحلة إلى بانوراما حرب تشرين التحريرية أكيد كل الناس بتعرفها وخلال الرحلة طبعاً دخلنا القاعة وجلس الكل في أماكنهم هدوء تام أطفئت الإضاءة ورفعت الستارة وبدأ صوت الانفجارات والاضاءة الخافتة ويزداد صوت الضرب وفجأة أسمع صوت صراخ الطفلة لي بجانبي وتمسكت بي وبدأت تبكي وترجف وفوراً حملت الطفلة وخرجت بها ولكن البنت ما كانت تسكت وترتعش بين أيدي حاولنا نصحيها ونشربها مي ما كانت تصحى فركضنا بسرعة على المشفى فقالوا البنت بحالة متل الصدمة وعم تهذي وبدها 24 ساعة مراقبة .
المهم من كل الخبر يا جماعة لا حدا يبعت بنتوا أختوا لهيك رحلة إذا كانت تحت سن 8 سنوات لانوا شفت النتيجة بعيني البنت عمرها 6 سنوات لانوا الاطفال بيتفاجئوا بهيك عروض وبيفكروا صارت أمامهم .
ملاحظة منشان ما حدا يستغرب من الخبر أنا أنسة مشاركة وعم درس حالياً بالنادي الصيفي لمعهد دار الإيتام .
وشكراً ألكن وبتمنى التوعية والاستفادة للكل .

يعطيك العافية

fast

من طرف زائر في الثلاثاء يونيو 10, 2008 12:05 am

مشكورة إندلس لوف

من طرف **hudhud** في الثلاثاء يونيو 10, 2008 1:19 am

مشكورة ...

من طرف **Mos3ab_G** في الثلاثاء يونيو 10, 2008 5:38 am

بتذكر بزمناتي رحت عليها
وكنت صغير وقتا
بس كل شي فيها عااادي

من طرف Kinglove-95 في الثلاثاء يونيو 10, 2008 3:42 pm

والله أنا رحت
ونزلت شاركت
بالحرب معهون
حتى في برّا
دبّابات و طيارات
ركبت بجي نصّهون
----
شكراً ... كتير آنستنا الكريمة