فعل كان

من طرف زائر في الأحد يونيو 29, 2008 5:47 pm

فعل كان
كان يا ما كان كان في 3 اخوات تجار قرروا انو يروح كل واحد منهون لجهة ويبيعوا ممتلكاتهون ويرجعوا واتفقوا انهون يلتقو عند الحمام ومضى شهر على روحتهون بعد شهر رجع الاخ الاكبر وستناهون مكان ما اتفقوا عند الحمام اجا لعندو صاحب الحمام وسالوا شو عم تساوي هون الو انو عم يستنى اخواتو ام صاحب الحمام بدو يختبرو وقلو شو رأيك تحكيلي حكاية ما فيها ولا كلمة كان واذاقدرت بعطيك الحمام والارض يلي حوليه واذا ما قدرت بدك تشتغل عندي بالحمام بدون اجار ام وافق الاجدب وبدا حكايتو بكلمة كان يا ما كان قلو صاحب الحمام وقف قلو التاجر شوفي قلو قلت كلمة كان روح شتغل ببيت النار ومرت الايام واجا الاخ الوسطاني وستنا اخواتو ادام الحمام ام قلو صاحب الحمام متل ما قال لاخو والاجدب التاني وافق وقلو ماشي وبدا بحكايتو وقال هادا يا سيدي كان في صياد ام وقفو صاحب الحمام وخلاه يشتغل عندو ومرت الايام والاسابيع واجا الاخ الصغير وهون بدت الحكاية الحلوة اجا لعندو صاحب الحمام وقلو نفس اخواتو الجدبان وافق بس هاد مو اجدب وهون بلشت الحكاية:
(لما ولدت ستي جدي بعتني اهلي لجيب بيضة وكمون وانا راجع وقعت مني البيضة وانكسرت وطلع منها صوص صغير ركبت عضهر هالصوص ورحت حاربت الناس اربعين سنة ومشان حظي الحلو تعب الصوص ونجرح لاني ركبت عليه كتير جبت جوزة وعلكت لبها وحطيطو عضهر الصوص ام طلع غابة جوز بمد عينك والنظر عضهرو قلت لحالي ليش ما بزرع هالغابة وبعدين قررت ازرعها سمسم رشيت ضهر الصوص سمسم بس مدري شو اجا عبالي اني ازرع هالارض بطيخ لميت المسمات وعديتهون سمسمة سمسمة طلعو ناقصين وحدة دورت عليها كتير امت لقيتها بتم النملة انا اشد والنملة تشد انا اجر والنملة تجر حتى انقسمت السمسمة نصين انا اخدت نص والنملة نص الخلاصة زرعت الارض بطيخ وبعد ما طلع البطيخ جبت بطيخة وقسمتها بسيفي آم نقطع راسي وتدحكل عالارض صار العالم يقولو لمين هالراس الت وقفوا هاد الراس راسي وهاد السيف سيفي مسكت راسي وحطيتو بمكانو ومسكت سيفي ورجعت عالسوق مشان اشتري بيضة تانية لأني تأخرت كتير لأنو ستي ولدت جدي....)
قلو صاحب الحمام والله انك بتسحتق هالحمام والارض اللي حوليه اوم طلع اخواتك من بيت النار.
-النهاية-
نشالله تكون عجبتكون
تحياتي انا والحيط يلي فايتة فيو